#Киңәш сандыгы 29 июнь 2019, 10:01

Сәяхәт алдыннан чемоданның әллә каян күренеп тора торганын сайлагыз

29 июнь 2019, 10:01

Сәяхәткә чыгып китеп, чемоданыгызны югалтсагыз, көтеп алынган ялыгызның яме китәргә мөмкин. Самолетта очар алдыннан багажны ничек әзерләргә соң? Багаждагы элеккеге наклейкаларны алып ыргытыгыз. Аларда берничә бирка булса, йөк ташучыларның башка рейс белән бутавы бар яки аэропортта калачак. Чемоданга исемегез, рейс номеры, телефоныгыз яки электрон почтагыз язылган бирка куегыз.

Скопировать ссылку

Чемодан алганда, әллә каян күренеп тора торган ачык төстәгесен, башкаларныкына охшамаганын алыгыз. Күпләр кара төстәге тукымадан эшләнгән чемодан сайлый. Аны аэропортта лентадан табып алу җайсыз. Югалткан очракта да билгеләрен әйтеп бирү авыр була.

Хәзер үзендә үлчәве, телефон өчен зарядкасы һәм GPS-трекеры булган чемоданнар да сатыла. Әмма алар бик кыйммәт. Шуңа да аның урынына GPS функцияле брелок алыгыз. Алар 600 сумнан башлап. Брелок ярдәмендә махсус мобиль кушымта аша чемоданыгызның кайда булуын белә аласыз.
Аэропортка алданрак килегез. Ике сәгатькә иртәрәк килергә кушсалар да, күпләр берничә минут кала килеп керергә мөмкин. Шуның белән чемодансыз очып китүләре дә бар.
Чемоданга чехол кидерегез. Ул аны дымнан, тырналудан саклый. Чехол урынына пленка да кулланып була.

Кызыклы яңалыкларны күзәтеп бару өчен безнең МАХ каналына кушылыгыз.