Туңдырманы дөрес ашыйсыңмы?

Сыйфатлы туңдырма составында беркайчан да үсемлек мае булмый. Ул эсседә шунда ук эреп китәргә тиеш.

Туңдырманы атнага өч тапкырдан да артыграк ашарга киңәш ителми. Шул ук вакытта төшке яки кичке аштан соң ук та ашарга кирәкми, ул ашкайнату системасына начар тәэсир итә.

Ач карынга туңдырма ашарга ярамый - кандагы глюкоза кинәт артырга мөмкин.

Тешләрегез бозылмасын дисәгез, туңдырма ашаганнан соң кайнар чәй эчәргә ярамый.

Этикеткасы бозылган туңдырманы алмагыз, ул эреп яңадан туңдырылган булыр­га мөмкин.