Яшел чәй яшәртә, эремчек йөрәкне ныгыта

Кан басымы югары булганда майсыз эремчек ашагыз. Ул йөрәкне ныгыта, кан тамырларын киңәшчә, кальций, магний, калий чыганагы булып тора. Көненә 100 грамм эремчек ашарга кирәк.

Кызыл төстәге болгар борычы да файдалы. Аңарда С витамины бар. Аны көненә икене ашарга тырышыгыз.

Омега-3 майлы кислота чыганагы булган сөләйман балыгы (лосось) да кан басымын төшерә. Балыкны атнасына өч тапкыр 100-150шәр грамм ашагыз.

Гипертоникларның менюсында солы боткасы да булырга тиеш.

Кабак орлыгы цинкка бай. Аны исә көненә егерме грамм ашагыз.

Какао кан тамырларына уңай йогынты ясый, әмма ул калорияле эчемлек. Шуңа да атнасына ике чынаяк кына эчәргә кирәк.

Майсыз сөттә калий, кальций, магний бар.

Ачы шоколад йөрәк мускулларын ныгыта. Кан басымын 5-10 мм га төшерә. Тик аны күп күләмдә ашарга ярамый.

Бадәм (миндаль) чикләвеге холестерин күләмен киметә. Йөрәк өчен кирәк булган калий, магний, Е витаминына бай.

Яшел чәйдә исә антиоксидантлар күп, алар картаю процессын тоткарлый.