Биләрдә 800 яшүсмер лидерлык сыйфатларын күрсәтә алачак

5-9 августта Биләрдә (Татарстанның Алексеевск районы) «Алдынгылар Биләр Форум: Беренчеләр» палаткалы лагере узачак. Алдынгылар хәрәкәтенең «Сәләт» берләшмәсе белән берлектә оештырыла торган бу сменасына республиканың барлык районнарыннан 800гә якын бала һәм яшүсмер килүе көтелә. Форумда махсус сайлап алу аша узган 12-17 яшьлек малайлар һәм кызлар бушлай катнаша алачак. 

«Алдынгылар Биләр Форум: Беренчеләр» белем бирү һәм спорт-күңел ачу вакыйгаларын берләштерәчәк. Катнашучылар үзләренең лидерлык сыйфатларын һәм укучылар үзидарәсендә эшләү күнекмәләрен сынап карый, үзләренең беренче социаль проектларын эшли һәм гамәлгә ашыра алачак. Форумда 13 юнәлеш буенча файдалы үзгәрешләр остаханәләре эшләячәк.

Форумга барырга теләүчеләргә сайлап алу этабын узарга кирәк. Катнашу өчен гаризаны Алдынгылар хәрәкәте сайтында 26 июльгә кадәр бирергә мөмкин.