Больничный бирү кагыйдәләре үзгәрә

Россия сәламәтлек саклау министрлыгы больничный бирү тәртибен үзгәртергә планлаштыра. Яңа боерык проекты буенча инде фикер алышулар булган. Төп яңалык – ничә тапкыр больничный алуны тикшереп торачаклар. Әгәр дә кеше ярты ел эчендә хастаханәгә дүрт тапкыр һәм аннан да күбрәк мөрәҗәгать итсә (авыруларны карау, медицина реабилитациясе, социаль әһәмиятле авыруларны дәвалау һәм бөер терапиясе искәрмәләр булып тора), табиб аның медицина документациясен врач комиссиясе каравына җибәрергә тиеш була. Проектны әзерләүчеләр фикеренчә, бу шәхси авыруларның сәбәпләрен ачыкларга, медицина ярдәме күрсәтүне яхшыртырга һәм иртә диагностиканы тәэмин итәргә мөмкинлек бирәчәк.