Кан басымын министр үзе тикшерә

Узган атнада сәламәтлек саклау министры Адел Вафин instagram челтәре аша яңа акция башланачагын хәбәр иткән иде. Атна ахырында Татарстан Республикасы Сәламәтлек саклау министрлыгы «Менә минем кан басымым, Вафин» дигән акция башлап җибәрде. Сәламәтлегенә битараф булмаган һәрбер татарстанлы акциядә катнаша ала.

Моның өчен ул кан басымын үлчәп, нәтиҗәсен фотога төшереп, Инстаргам челтәрендә министрга (@vafinadel) җибәрергә тиеш.

Бер генә мөрәҗәгать тә җавапсыз калмаячак дип ышандыралар. Акциянең уникальлеге шунда ки, кан басымына Татарстанның баш табибы үзе бәя бирә. Әлегә фотоны инстаграмда гына җибәреп була, әмма матбугат үзәге хәбәр иткәнчә, тиздән моны башка социаль челтәрләр аша да эшләп булачак.