Әлмәттә - 7, Түбән Камада - 6 яңа очрак (коронавирус буенча статистика)

11 кеше хастаханәгә озатылган, 46 кеше өйләрендә генә дәвалана.

Яшь төркемнәре буенча иң күп авыручылар 30дан 50 яшькә чаклы кешеләр арасында - 19 очрак, 50 дән 60 ка кадәр чирләүчеләр - 15. 60 тан 70 кә кадәр - 12 хаста исәпләнә. Балалар арасында ковид белән зарарланучылар юк.

Географик бүленешкә килгәндә исә, беренче урында - Казан,  27 авыру расланган. Икенчедә - Әлмәт, биредә узган тәүлектә 7 кеше чирләп киткән. Түбән Кама өченче урынга күтәрелгән, үткән тәүлектә монда 6 кеше ковид белән зарарланган. 

Яр Чаллы - 5

Алексеевск- 1

Балтач - 1

Югары Ослан - 1

Зәй - 1

Яшел Үзән - 2

Кама Тамагы - 1

Кукмара - 2

Балык Бистәсе - 1

Саба - 2

6 ноябрьгә булган мәгьлүматларга караганда, Татарстанда COVID-19ның  8706 яңа очрагы теркәлгән. Бөтен чорда 7713 кеше савыккан, шул исәптән 37 кеше узган тәүлек эчендә.