Танылган көрәшче, данлыклы тренер вафат

Билгеле булганча, Диләр Хәбибулла ул бик күп еллар дәвамында Казанның Авиатөзелеш районында "Рубин" спортклубында эшләде, бик күп шәһәр малайларына милли көрәшкә мәхәббәт тәрбияләде. Тумышы белән Диләр абый Яшел Үзән районы Мулла иле авылыннан. Германиядә хәрби хезмәттә булганда, СССРның хәрби көчләре чемпионы исемен ала. Шунда ук хәрбиләрне физик культура, спорт белән шөгыльләндерә башлый. Аннан кайткач татаркөрәше буенча унбиш еллап шөгыльләнә, менә дигән шәкертләр тәрбияли. "Бик күп укучыларым төрле ярышларда беренче урыннар яулап чемпионнар, спорт мастерлары булдылар", дигән иде ул "Шәһри Казан" хәбәрчесенә соңгы аралашуларның берсендә. Шунысын да әйтергә кирәк, туган авылында, аннан район күләмендә дә Диләр абый призларына яшьләр арасында көрәш бәйгеләре дә оештырылды.

Диләр Хәлиловны туган авылында җирлиләр.