Үз исемеңә кредит алуны тыярга мөмкин булачак

Бу хакта Дәүләт Думасының кече һәм урта эшкуарлык комитеты әгъзасы Алексей Говырин хәбәр итә.

Яңа закон гражданнарга 2025 елның 1 мартыннан үз кредит тарихында банклар һәм микрофинанс оешмалары белән аларга куллану кредитлары яки заемнар бирү турында килешүләр төзүне тыюны билгеләргә мөмкинлек бирәчәк.

"Бу чара кешеләрне алдаудан сакларга тиеш, чөнки явыз ниятле кешеләр башкаларның исеменә кредитлар һәм микрозаймнар ала", – дип төгәлләгән Говырин "Известия" басмасына биргән әңгәмәсендә.

Шулай итеп, теләүчеләр аларга куллану кредитлары яки кредитлар бирүне тыюны, шулай ук аны алуны булдыра алачак. Әмма бу ипотека, автомобиль кредитлары һәм дәүләт ярдәме белән белем бирү кредитларына кагылмаячак.

Дума Рәисе Вячеслав Володин әйтүенчә, депутатлар проектны бик күп мөрәҗәгатьләргә җавап йөзеннән әзерләгән. «Халык бу карарны көтә. Закон кешеләрне, шәхси мәгълүматларын урлап, кредит рәсмиләштерүче мошенниклардан саклау мөмкинлеге бирәчәк», – дигән иде.

Володин аңлатып үткәнчә, әлеге канун белән һәр кеше үз исеменә теләсә нинди кредит алуны тыя алачак. Банкларның гына түгел, микрофинанс оешмаларының акчасына да кагыла бу. Ә инде кредитның кирәге чыкса, тыюны гамәлдән чыгарырга мөмкин булачак.

Моның өчен күпфункцияле үзәккә яки Дәүләт хезмәтләре порталы аша тиешле гариза язып тапшыру күздә тотыла (СНИЛС номерын күрсәтү таләп ителәчәк). Кредит кирәк икән, тагын бер гариза тапшырып, 1 көн эчендә тыюны гамәлдән чыгарырга мөмкин булачак. Сайтта теркәлгәннән соң, граждан үзенең ИННын күрсәтеп, электрон гариза бирә алачак. Бу мәгълүмат, үз чиратында, бөтен кредит бюросына автоматик рәвештә керәчәк.