#Кыскача яңалыклар 26 июль 2018, 10:56

1 августтан поезд билетларында җирле вакыт күрсәтелә башлый

26 июль 2018, 10:56

1 августтан ерак арага йөри торган һәм шәһәр яны поездларының юл йөрү документларында поездларның китү һәм килү вакытын күрсәтү тәртибе үзгәрә.

Скопировать ссылку

Хәзер тимер юл билетларында җирле вакыт кына күрсәтеләчәк. Бүген исә билетларда составның килү һәм китү сәгате-минуты Мәскәү вакыты белән күрсәтелә.

Юл йөрү документларының вакытны күрсәтү форматы үзгәргән бланклары сатуга 4 майдан чыкты (поезд китәргә 90 тәүлек кала).

Җирле вакыт турында мәгълүмат поездлардагы таблоларда, платформалардагы күрсәткечләрдә һәм вокзаллардагы электрон сәгатьләрдә чагылачак, дип хәбәр итә KZN.RU Горький тимер юллары – “Россия тимер юллары” ААҖ филиалы матбугат хезмәтенә сылтама белән.

Кызыклы яңалыкларны күзәтеп бару өчен безнең МАХ каналына кушылыгыз.