#Кыскача яңалыклар 22 апрель 2023, 13:01

1 миллион сумнан артык акча саклап ятучыларны яңалык көтә

22 апрель 2023, 13:01

1 миллион сумнан артык акча саклап ятучы гражданнар салым хезмәткәрләренә хәбәр итәргә тиеш. Дәүләт Думасы депутаты Анатолий Вассерман шундый эчтәлектәге канун проектын әзерләгән.

Скопировать ссылку

Әле тагын акчаның каян алынуын да аңлатырга кирәк була. Югыйсә, шул рәвешле саклана торган акчаның суммасыннан ике тапкырга артыграк конфискация һәм штраф каралган. Чикләү сумнарга да, валюталарга да кагыла.

Аңлатма язуында автор дәлилләр китерә, аныңча гражданнар үз акчасын, кем әйтмешли, “матрас астында” бик сирәк саклый. Мөгаен, бу “икътисадның күләгәдәге яки хәтта “кара” секторындагы эшчәнлек нәтиҗәсе” дигән фикердә ул. Шуңа бәйле рәвештә контроль кертергә кирәк, дип саный.

Төзәтмәләр кабул ителгән очракта, бер миллион сумы барлыкка килгән көннән соң, салым инспекциясенә хәбәр итү өчен, кешегә бер атна вакыт биреләчәк.

Кызыклы яңалыкларны күзәтеп бару өчен безнең МАХ каналына кушылыгыз.