17,18 сентябрь көннәрендә укучылар мәктәпкә барамы?

17 сентябрь көнне мәктәпләр эшли. Укучылар белән сайлаучылар агымын аерып булганда, дәресләр уздырыла, ә аеру мөмкин булмаган оешмалар дәрестән тыш чаралар оештыра ала, дип белдерде Россия Федерациясе мәгариф һәм фән министрының беренче урынбасары Александр Бугаев. Бу хакта РИА Новости яза.

«Сайлауларга кагылышлы чаралар уздырылмый торган мәктәпләрдә, әлбәттә, гадәти уку көне булачак. Сайлаучылар белән укучылар агымын аерып булган мәктәпләрдә бу берничек тә чагылырга тиеш түгел. Ә инде аеру мөмкин булмаганда — әллә никадәр чаралар бар… аларны оештырачаклар (мәктәптән тыш)», — диде ул.