#Кыскача яңалыклар 21 июля 2022, 11:29

20дән артык кеше төнлә белән аттракционда эленеп калган

21 июля 2022, 11:29

Волгоградның Үзәк мәдәният һәм ял паркында ял итү берничә дистә кеше өчен чын мәхшәргә әйләнә. Күзәтү тәгәрмәче (колесо обозрения) -паркның төп үзенчәлеге булып тора. Аны 2018 елгы Дөнья чемпионатыннан соң төзегәннәр һәм ул һәркемгә ошаган. Кемнең генә шәһәрне кошлар очышы биеклегеннән карыйсы килми икән?

Скопировать ссылку

22.00 сәгатьтән соң күзәтү тәгәрмәче эшләтелеп җибәрелә. Бу вакытта кабиналарда 24 кеше булган. Күпмедер вакытта аттракцион кискен генә туктала да, кабиналарда ут сүнә. Бу мизгелдә биредә утыручы һәркемне дә курку хисе биләп ала. 10 минутлык сәяхәт шулай тәмамланыр дип кем уйлаган.

Парк хезмәткәрләре көпчәкне мөстәкыйль рәвештә эшләтеп җибәрә алмый. 50 метр биеклектәге кабиналарда ябылып калган кешеләрне төшерү мөмкин түгел. Нәтиҗәдә, вакыйга урынына җирле коткаручыларны чакыралар.

volgograd.kp.ru язганча, аттракционда эленеп калган кешеләр турындагы хәбәр диспетчерларга 22.10 сәгатьтә кергән. Парк хезмәткәрләре аңлатканча, гадәттән тыш хәл электр үткәргечнең төзек булмавы аркасында килеп чыккан. Аттракционны алар башлап җибәреп, кешеләрне душ кабинкаларыннан чыгарып җибәрә алмаган.

Бәхеткә, барысы да уңышлы тәмамланган. Аттракционда эленеп калган зыян күрүчеләрне янгын баскычлары ярдәмендә төшерделәр. Беркем дә зыян күрмәгән.

Висели в воздухе в кромешной темноте: Более 20 человек застряли ночью на
Фото: http://Волгоград өлкәсе буенча гадәттән тыш хәлләр министрлыгы.

Кызыклы яңалыкларны күзәтеп бару өчен Телеграм-каналга кушылыгыз.