Россиядә «Тәңкәләр атналыгы» башлана: вак акчаларны кәгазь купюраларга алыштырырга мөмкин

Бу чорда россиялеләр җыелган вак акчаларын акциядә катнашучы банк бүлекчәләрендә һәм кибетләрдә комиссиясез кәгазь акчаларга алыштыра ала.

РИА Новости хәбәр итүенчә, акциядә ПСБ, ВТБ, Газпромбанк, «Дом.РФ» һәм Россельхозбанк кебек кредит оешмалары катнаша.

Тәңкәләрне банкноталарга алыштырудан тыш, кайбер банкларда акчаны счетка яки депозитка күчерү мөмкинлеге дә бар.

Акциянең максаты — халык кулында җыелып яткан вак акчаларны әйләнешкә кайтару.