«60 яшьтән өлкәнрәкләргә». 21 сентябрьдән барлык пенсионерлар өчен дә яңа ташлама кертелә

primpress.ru басмасы 21 сентябрьдән барлык өлкән яшьтәге гражданнарга да тиешле яңа ташлама турында хәбәр итә. Ә аны алу өчен пенсионерларга бары паспорт күрсәтергә кирәк булачак. Бу хакта Пенсия эксперты Анастасия Киреева сөйләде, дип хәбәр итә PRIMPRESS.

Аның сүзләренчә, 60 яшькә җиткән гражданнар өчен күңелле яңалык әзерләнгән. Россия тимер юллары компаниясе барлык пенсионерлар өчен яңа программа әзерли.

"Тимер юл транспорты операторы 60 яшьтән өлкәнрәк булган барлык пассажирларга билет алу өчен ташлама бирергә вәгъдә итте. Программа быел эшли башлады, ә аның көзге-кышкы этабы якын арада эшли башларга тиеш. Тимер юл транспорты өчен билетны 21 декабрьгә кадәр арзанрак бәядән сатып алырга мөмкин булачак", - дип аңлатты Киреева.

Пенсионерлар өчен билетларга ташлама 15 процент тәшкил итәчәк. Биредә сүз ерак юлга баручы поездлар турында барна. Өстәвенә, өлкән яшьтәгеләр купе вагонында сәяхәт итәргә тиеш. Ә шәһәр яны юнәлешләренә мондый ташлама кагылмаячак.

Мондый ташламаны алу өчен пенсионерларга, асылда, махсус бернәрсә дә эшләргә кирәкми. Процесс гадиләштерелгән. Билет сатып алырга гына кирәк, һәм туган көне раслангач, ташлама автомат рәвештә кулланылачак. Димәк, мондый бонус өчен бер паспорт кына кирәк булачак. "Ә билетны ташламалы шартларда вокзал кассасында да, компания сайтында да сатып алырга мөмкин булачак", - дип өстәде эксперт.

Ташламалы бәядән билетлар 21 сентябрьдән үк сатыла башларга тиеш. Аннан соң ташлама әлеге яшьтәге барлык гражданнар өчен быелның ахырына кадәр гамәлдә булачак.