"Адаштым" җыры авторы вафат

Бик күп җырлар авторы Нурия Измайлова вафат. Популяр "Адаштым" җырын язган ханым 1996 елда АКШка күчеп киткән булган. 
Шагыйрә Благовар районының Иске Күчәрбай авылында туган. Аннары  Татарстанның Ютазы районында һәм Башкортстанның Шаран районында урта мәктәптә укыган. Югары белемне Казанда алган.
Нурия Измайлова "Яратам" (1981), "Алтын тарак" (1984), "Мин зур үскәч" (1986), "Ива на ветру" (1986), "Минем җәй" (1987), "Иң серле әкиятем" (1989), "Җирдә" (1993), "Ак малай - минем энем" (1995), "Адашкан" (2000), "Язылмаган хатлар" (2001), "Тауга карап, таулар булып..." (2011) китаплары авторы.