Бүген иртән "Адмирал" сәүдә үзәгендә чыккан янгын урынына Самара һәм Түбән Новгородтан коткаручылар килде. Фаҗигадән соң коткару эшләрендә катнашучыларның саны 1000гә җитте.

Искәртеп узабыз,"Адмирал" сәүдә үзәгендә янгын чыга. Якынча мәгълүматларга караганда, янгын ике катлы бинада урнашкан кафеда чыккан.
Һәлакәт нәтиҗәсендә 4 кешенең гомере өзелгән, тагын бер кеше хәбәрсез югалган, 18 кеше медикларга ярдәм алу өчен мөрәҗәгать иткән.

Әлеге факт буенча 2 җинаять эше кузгатылган.

Казанда Татарстан Республикасы Президенты Рөстәм Миңнеханов йөкләмәсе буенча "Адмирал" сәүдә үзәгендә зыян күрүчеләргә ярдәм күрсәтү буенча оператив штаб булдырылды, аны Башкарма комитет җитәкчесе Денис Калинкин җитәкли.

Казанда "Адмирал" сәүдә үзәгендәге янгын (видео)