Әлегә гамәлдән чыгарылмаячак: 2025 елда БДИ иске кагыйдәләр буенча узачак

Хәтта альтернатива тәкъдим ителсә дә, 2025 елда БДИ иске кагыйдәләр буенча узачак, дип белдерде РИА Новостига Рособрнадзор башлыгы Анзор Музаев. Элегрәк Дәүләт Думасының мәгариф комитеты рәисенең беренче урынбасары Яна Лантратова хәбәр иткәнчә, БДИны гамәлдән чыгару турындагы закон проектын карауны депутатлар октябрьгә планлаштырганнар. Музаев, үз чиратында, билгеләп үткәнчә, имтиханнарга кагылышлы барлык инициативалар һәм үзгәрешләр тест үтүгә кадәр кимендә ике ел алдан кабул ителә.

Хәзер җитди үзгәрешләр янамый. Инде булганнары өстендә эшләргә кирәк.

«Дәүләт Думасы белән әңгәмә алып барганда, алым 2017 елдагы кебек булырга тиеш түгел дибез – әйдәгез барысын да нигезенә кадәр җимерик тә, ә аннары яңа дөнья төзиячәкбез. Ә без булдырган нәрсәләр өстендә эшләргә кирәклеге турында сөйлибез. Бу имтихан, анда үз белемеңне күрсәтергә кирәк. Аның ничек узуы мөһим түгел», - дип белдерде Музаев.