Апрельнең беренче рекорды

Татарстан Гидрометеорология үзәге Казанда апрель аенда беренче температура рекорды теркәлүен җиткерде. Кичә – 4 апрельдә башкалада максималь һава температурасы +16 градус тәшкил иткән.

Соңгы рекорд 13 ел элек куелган – 2007 елның 4 апрелендә Казанда 15,2 градус җылы булган.

Исегезгә төшерәбез, быелның марты 145 ел эчендәге метеокүзәтүләрдә иң җылысы булды.