Шуларның 68е — быел. Алга таба Юган һәм Кызыл Юл авылларын, Нурлат шәһәренең Ипподромный микрорайонын һәм Нариман авылын газ челтәренә тоташтыру планлаштырыла.
«Газпром трансгаз Казан» җәмгыяте генераль директоры, Дәүләт Советы депутаты Рөстәм Усманов районда йортларны газга тоташтыру күрсәткече якынча 96 процент булуын әйткән. Ел ахырына кадәр аны 98 процентка җиткерү ниятләнә.
Татарстан сәнәгать һәм сәүдә министры урынбасары Марат Миңнебаев сүзләренчә, программа гамәлдә булган вакыт эчендә республикада 1,5 мең чакрым газүткәргеч салынган. Кара Күлдәге яңа челтәр дә шушы эшнең бер өлеше булып тора.
Нурлат районы башлыгы Дамир Ишкинеев авыл халкының газ көтүенә дистә еллар узуын искәрткән. Аның сүзләренчә, газчылар су киртәләрен һәм башка техник кыенлыкларны исәпкә алып эшләгән. Хәзер авыл халкы кышны газ плитәләре һәм казаннары белән каршы алачак.
Тантанадан соң Фәрит Габделганиев Рәхмәтуллиннар гаиләсендә булган, махсус хәрби операциядә һәлак булган Руслан Рәхмәтуллинның әнисе Гөлсирә Госман кызы белән аралашкан.
«Бу — бөтен авылыбыз өчен зур көн. Без бик канәгать. Моңа кадәр һәрвакыт утын әзерли идек. Бу проектны ахырына кадәр җиткергән өчен республика һәм район җитәкчелегенә рәхмәт», — дигән Гөлсирә Рәхмәтуллина.
Комментарийлар