#Кыскача яңалыклар 04 апрель 2017, 07:46

"Атлы Татарстан" фотобәйгесе башланды

04 апрель 2017, 07:46

«Татнефть» компаниясе «Атлы Татарстан» фотоконкурсын игълан итте. Бәйге Татарстанның көньяк-көнчыгыш төбәгендә атта йөрү, ат спортын һәм ат асрауны популярлаштыру проекты кысаларында оештырыла.

Скопировать ссылку

Иҗади эшләр 30 майга кадәр «Кеше һәм ат», «Ирекле хәрәкәт», «Ат сурәте», «Ипподром һәм спорт» кебек темалар буенча кабул ителә.

Җиңүчеләргә дипломнар, кубоклар һәм акчалата премияләр тапшырылачак. Гран-при иясенә - 30 мең, беренче урынга - 25, икенчегә - 20, өченчегә - 15 мең сум премия каралган. Шулай ук «Бәйге лауреаты», «Тамашачы симпатиясе призы» булачак. Соңгысы «ВКонтакте» һәм Tatneft-Line корпоратив социаль челтәрләрендә тавыш бирү юлы белән ачыкланачак. Тавыш бирү 31 майдан 8 июньгә кадәр барачак, дип хәбәр итә "Татар-информ".