Автомәктәпләрдә дистанцион укыту барлыкка килергә мөмкин

Бу хакта 2 ноябрьдә Мәгариф ведомствосы приказы проектына сылтама белән «Коммерсант» хәбәр итә.

Норматив хокукый актларның федераль проектлары порталында бастырылган боерык проекты нигезендә автомәктәпләр 2025 елның 1 сентябреннән машина йөртүчегә кандидатларны укыту программаларын эшләячәк, документ 2022 елдан гамәлдә булган боерыкка алмашка килә. Ведомствода ачыклык кертүләренчә, яңалыклар укыту сыйфатын яхшырту өчен кирәк булган.

Автомәктәпләрдә дистанцион укытуны бары тик барлык уку оешмаларына кагылышлы шартларны үтәгәндә генә рөхсәт итәләр. Шулай итеп, уку процессы кысаларында «Госуслуги» порталында авторизация аша эшли торган дәүләт мәгълүмат системалары гына кулланылырга тиеш. Бу дәресләргә йөрүне һәм студентларның өлгерүен теркәп барырга мөмкинлек бирә.

Экспертлар сүзләренчә, элек автомәктәпләрдә дистанцион укыту практикасы ковидлы чикләүләр вакытында кулланылган, ул вакытта лекцияләр төрле видеоплатформалар ярдәмендә трансляцияләнгән. Әмма бу процесс контрольсез була, ул программаларны кыскартуга яки тыелган үз-үзеңне әзерләүгә кайтып кала.

Шулай ук Мәгариф министрлыгы боерыгы проекты машина йөртүчеләрне әзерләү процессын соңгы елларда юл хәрәкәте кагыйдәләренә кертелгән үзгәрешләргә туры китерә. Мисал өчен, «куркыныч йөртү» термины һәм электрон документлар белән танышу кертеләчәк. Шулай ук уку йөкләмәсен яңадан бүлеп бирү тәкъдим ителә: шәһәрдә машина йөртү өчен хәзерге 38 сәгать урынына 42 мәҗбүри сәгать бүлеп бирәчәкләр.