“Авыл укытучысы – 2015” бәйгесенең җиңүчесе билгеле

Анда бәйгенең соңгы этабына чыккан 10 педагог үз фәннәре буенча мастер-класслар тәкъдим итте. Абсолют җиңүче дип Лениногорск районы Куакбаш авылы мәктәбенең инглиз теле укытучысы Резедә Мөстәкыймова танылды. Резедә Рафикъ кызы мәктәптә унынчы елын укыта. Мастер-класс өчен ул «Инглиз теле дәресләрендә сөйләм телен үстерү» дигән теманы сайлаган булган.

Әлеге конкурсны "Мәгариф" журналы Татарстанның Мәгарифне үстерү институты белән берлектә уздыра.