Азат Абитов Гөлсириннең ни өчен ир фамилиясенә күчмәвен әйтте

“Ярты ел эчендә иҗат өстендә ныклап эшләдек. Яңа җырлар яздырдык, клип төшердек, концертларга әзерләнәбез. Кызыбыз Сылу кечкенә булгач, моңа кадәр озын гастрольләргә чыккан юк иде. Март аеннан концертлар белән чыгабыз, Аллаһы боерса. 

Без үзебезне парлы җырчылар итеп түгел, аерым артист итеп күзаллыйбыз. Шуңа күрә Гөлсирин Абитова фамилиясен алмады, Абдуллина булып калды. Ләкин икебезгә дә ошаган җыр булса, без аны дуэт итеп башкарабыз. Аерым җырларга җырлар эзлибез, әмма соңгы вакытта дуэтка туры килердәй җырлар күбрәк очрый”, - ди Азат Абитов.