#Кыскача яңалыклар 03 июнь 2015, 14:58

Баланы үзен генә калдырсаң – 5 мең сум штраф

03 июнь 2015, 14:58

Бала хокуклары буенча Россия Президенты каршындагы вәкаләтле вәкил Павел Астахов якын көннәрдә хөкүмәт карамагына Административ хокук бозу кодексына үзгәрешләр кертү турындагы канун проекты тапшырырга җыена.

Скопировать ссылку

Аның нигезендә баланы ялгызын гына калдыру катгый тыела. Күпләр кибеткә кереп киткәндә баласын машинада утыртып калдыра, берәр җиргә барасы булса, өйдә берүзен калдыра. Яңа проект буенча моның өчен әти-әниләрне административ җаваплылыкка тартып, 5 мең сум штраф түләтү каралган. Павел Астахов шул рәвешле гамьсез гаиләләргә карата көрәш башларга җыена. Бәлки шуннан соң, тәрәзәдән егылып төшкән балалар саны кимер, машина салонында бала булган килеш, машинаны эвакуатор алып китү очраклары, тагын башка күңелсез хәлләргә чик куелыр дип, саный Павел Астахов.

Кызыклы яңалыкларны күзәтеп бару өчен безнең МАХ каналына кушылыгыз.