Баскетболчыга каршы хоккейчы!

Каспарс Камбаланы 2004-2005 елларда Казанның УНИКС баскетбол командасы өчен чыгыш ясавыннан хәтерли торганнардыр. Ә КХЛда "Витязь" хоккей клубы өчен чыгыш ясап, боздагы сугыш чукмары буларак танылу алган Джереми Яблонскины шулай ук күпләр белә. Бу ике спортчы рингта очрашачак. Аларның икесе дә зур спорт белән бергә һәвәскәр боксны да алып барганнар. Әлеге өлкәдә уңышлары да җитәрлек. Кыскасы, хоккейчы белән баскетболчының бокста тукмашуларын сентябрьдә Казанның "Татнефть-Арена" рингында күреп булачак.