Бер төн эчендә Россиягә 42 пилотсыз очкыч һөҗүм иткән

"Кырым Республикасы территориясендә тугыз БПЛА юк ителде, 33е үз максатына итешә алмыйча җиргә төшеп шартлады", — диелә Оборона министрлыгы хәбәрендә.

Соңгы вакытта Украина кораллы көчләре даими рәвештә Россиянең үзәк өлешендә һәм Мәскәүдә пилотсыз аппаратлар ярдәмендә терактлар оештырырга тырыша. 24 август көнне төнлә Брянск өлкәсендә ике дрон бәреп төшерелгән, тагын берсен Калуга өлкәсе территориясендә юк иткәннәр.