#Кыскача яңалыклар 22 апрель 2020, 20:00

Берничә кызны мәсхәрә итүдә гаепләнә

22 апрель 2020, 20:00

Урта яшьләрдәге ир-егет үз өендә балигь булмаган кызларны чакырып, хәмер белән сыйлаган һәм аларга карата җенси гамәлләр кылган, дип хәбәр итә Тикшерү Комитетының Татарстандагы идарәсе.

Скопировать ссылку

Зәй районында яшәүче 42 яшьлек ир-ат кулга алына, аны берничә кызны мәсхәрә итүдә гаеплиләр.
Тикшерү версиясе буенча, 2019 елның ноябрендә ир-ат 16 яшьлек кызны өенә кунакка чакыра, хәмер эчкәннән соң, кыз йокыга китә. шуннан соң ир-ат аңа карата сексуаль характердагы көчләү гамәлләре кыла.

Күптән түгел хокук саклау органнарына шикләнелүченең үз өендә 13 - 16 яшьлек кызларны җыеп ятуы, кыйммәтле бүләкләр бирүе, спиртлы эчемлекләр белән сыйлавы һәм аларга карата сексуаль характердагы гамәлләр башкаруы турында мәгьлүмат килеп ирешә. Аны тикшерү барышында яңадан-яңа фактлар калкып чыга.

Кызыклы яңалыкларны күзәтеп бару өчен безнең МАХ каналына кушылыгыз.

#Зәй