"Бүген иң көчле көрәшчеләрне сарык һәм тәкә өчен җыя алырсызмы?"
Квадроцикллар һәм башка шундый ярышлар сабантуйга хас түгел?
Скопировать ссылку
Квадроцикллар һәм башка шундый ярышлар сабантуйга хас түгел?
Быел сабантуйлар оештырганда, аның асыл мәгънәсенә өстенлек биреләчәк. Сабантуйның фәнни-методик нигезе булдырылачак.
ТР Министрлар Кабинетында Татарстан милли мәдәният һәм традицияләр елы уңаеннан узган брифингта катнашучылар сабантуй милли бәйрәменә яңача караш темасына ачыклык кертте.
«Сабантуйлар оештырудагы үзгәрешләрне ребрендинг дип әйтеп булмый, һәрбер чарага үзгәрешләр кирәк, дөнья үзгәрешләрдә яши. Тик ул үзгәрешләр чараның мәгънәсен бетерергә тиеш түгел. Сабантуй элек концерт булмаган, ярышлар форматында булган», - диде Ирада Әюпова «Татар-информ» журналистының сабантуйга кагылышлы соравына җавап биреп.
«Һәр милли бәйрәм, һәр йоланың үз традицияләре була. Билгеле бер вакыт аралыгында аның бертөрлегә әйләнүе – массакүләм мәдәниятнең өстенлек алуына бәйле. Бу да табигый – бөтен җирдә шулай», дип дәвам итте ул.
Ирада Әюпова сабантуйның кешеләр өчен ял итү урыны булуына басым ясады. Аның җырчылардан башка узмавын да әйтте. «Безнең халык артистларга мөкиббән. Ул да безнең мәдәният», дип өстәде Бөтендөнья татар конгрессы башкарма комитеты рәисе Данис Шакиров.
«Без сабантуйлар турында моңарчы да уйландык. Аны шушы дәрәҗәгә җиткерү дөрес түгел иде. Квадроцикллар һәм башка шундый ярышлар сабантуйга хас түгел», диде ул.
«Сабантуйның төп символы – татар көрәше. Элегрәк батырлар тәкәгә көрәшә иде. Бүген иң көчле көрәшчеләрне сарык һәм тәкә өчен җыя алырсызмы? Без бүгенге көндә абсолют батырга машина бирүне керттек, бигрәк тә, төбәкләрдә уздырыла торган сабантуенда», дип дәвам итте.
Данис Шакиров сабантуй милли бәйрәменең кыр эшләре белән бәйлелегенә басым ясады. Быел яшь киленнәр теккән-чиккән сөлгеләр беренче һәм соңгы килгән атка да, абсолют батырга да биреләчәк.
Ирада Әюпова әйткәнчә, сабантуйда аутентиклыкка басым ясалачак. Аны оештыру мәсьәләсендә революция ясалмый, акцентлар гына үзгәрергә мөмкин.
Оештыручылар әйтүенчә, Сабантуйның ундүрт милли уены буенча методик басма әзерләнгән. Сабантуйның тәртибен, эчтәлеген үзгәртү буенча киңәшмәләр узган.
Чыганак: Татар-информ
Вход на сайт
Язмага реакция белдерегез
Мөһим
-
#Җәмгыять
Туганлыкны саклау, аралашып яшәү нәсел-ыруыбызда бүгенгә кадәр саклана
-
#Кыскача яңалыклар
Өч яшүсмерне бәрдереп үтергән хатын-кыз турында билгеле булды
-
#Җәмгыять
“Татарстан инвесторларга иң яхшы шартлар тәкъдим итә”
-
#Сәясәт
Россия һәм Ислам дөньясы кешелеккә дөрес юл күрсәтә
-
#Дин
Бер уйламаган могҗиза
loading
Комментарийлар
0
0
Әссәламү вә галәйкүм. Әйе анда шул ук көрәшчеләр керәчәк. Бүлергә кирәк профессиональный, любитель, новичок. Халык керми көрәшергә. Бу ни шикелле инде. Колхоз аты белән Чиста токымлы ат чапкан шикелле.
0
0
0
0
Нихаять и безнең җитәкчеләргэ барып җитте! Аның эчен Рэстэм Нургаливич читкә барып куреп кайту кирәк идеме икән... Аллаһы боерса быел бәлкем Яшел Үзәндэдэ яшь керэшчелэрне Аня компьютер мышкасы яисә наушник белән тугел, берэр затлырак балалар кызыгырлык булэк белән котларлар. Шаклар катырлык булды узган Сабантуй, шахмат уены, велосипедта двоеборье белән ярышучыларны, һәм башка безнең халыкка хас булмаган ярышлар да катнашучыларны телевизорлар белән булэклэделэр, э яшь керэшчелэрне әйткәнемчә клавиатура, наушник, һәм мышка белән булэклэделэр. Шуннан соң ничек инде Яшел узэн дә кэрэш кутэрелсендэ ничек яшьләрне анда тугэрэклэргэ җәлеп итергэ кирәк!
0
0
0
0
Булэклэу дигэннэн, балалар наушникка да шатлана алар, эле куптэн тугел 180 нче мэктэптэ ярышлар булды, районнардан килгэннэр иде балалар, жинучелэргэ грамоталар, медаль бирделэр, лэкин.... зурыракларга остэп конверт бирделэр, 10-11 яшьлэргэ каралмаган диделэр, алар да жинучелэр югыйсэ, башка нэрсэ бирэргэ иде
0
0