Бүген Кремльдә фотокросс узачак

Бүген кичке сәгать җидедә, Казан Кремлен Россия банкының яңа банкнотларына урнаштыру өчен тавыш бирү кысаларында, Кремльдә фотокросс үтәчәк. Фотокросста катнашу өчен http://openschool.biz/fotokross-kazan сылтамасы буенча алдан теркәлергә кирәк. Катнашучылар үзенчәлекле кадр төшереп, аны 200 сумлык купюра макетына урнаштырырга һәм «#200казань» хэштегы белән социаль челтәрләргә эләргә тиеш. Бәйге нәтиҗәләре буенча өч иң яхшы фотосурәт сайланып ала, аларның авторларын исә бүләкләр көтә. Проектның максаты - «#200казань» хэштегын популярлаштыру өчен Казан Кремле сурәтләнгән фотоларны тарату.