Махачкалада квест– уен барышында янып үлгән студент кыз ире белән булган, ә дус кызы коткарган.
22 июльдә төнге сәгать икедә Махачкаладагы «куркыныч йорт» («Дом ужасов») квест-паркының куркыныч лабиринтларында хәләл җефетләре белән ике кыз йөргән. 19 яшьлек Асият 25 яшьлек Мәдинә янындарак йөргән. Кызлар янында Асиятнең ире, 21 яшьлек Сәид һәм Мәдинәнең егете булган.
Асият белән Сәид-матур пар, 16 июльдә, ягъни 5 көн элек кенә туйларын үткәргәннәр. Ул-тыйнак кына мөселманча киенгән чибәр кыз, тантана өчен челтәрле ябык ак күлмәк, чәчәкле фата һәм ак яулык сайлаган. Асият һәм Сәид әле дә хис-кичерешләр өермәсе эчендә булган, шуңа күрә бернинди куркыныч һәм сынаулар да куркытмаган. Куркып кычкырулар шундук көлүләр белән берләшә, барысына да күңелле була. Әмма ... җәзалаулар өчен урындык белән караңгы бүлмәгә кергәнче.
«Җир астыннан чыккан» актер кинәт һәм кисәтмичә Мәдинәне урындыкка утырта һәм богаулый. Сюжет буенча алга таба ул аның йөзе алдында бензопила белән селтәнергә яки аны тереләй яндыру белән янарга тиеш була. Әмма хзлләр башкача төсмер ала. Мәдинә өстенә әллә бензин, әллә керосин сибәләр. Актер зажигалкасын кабызып җибәрә. Ә алга таба ни булганлыгы турында шаһитләрнең фикерләре аерыла. Берәүләр раславынча, ул үзенең махсус перчаткасына ут төрткән һәм аны ягулык салынган бензин пычкылары янына ташлаган, һәм аларга ут кабынып киткән. Башкалар әйтүенчә, саксызлык аркасында шунда ук Мәдинә яна башлаган.
Һәрхәлдә, кыз тереләй яна башлый, чөнки озын күлмәге һәм битендәге яулыгы шырпы кебек кабынып китә, ә аны кәнәфиеннән ычкындыра алмый азапланалар. Дус кызы ярдәм итә, утны бөтен көче белән сүндеререгә тырыша. Бу хакта социаль челтәрләрдә аның туганнан туган сеңлесе сөйләгән. Квест-паркның кечкенә бүлмәсе тиз генә төтен белән тула, барысы да аңнарын югалта башлый. Шаһитлар сүзләренчә, патруль-пост хезмәте инспекторлары бинадан төтен чыгуын күреп, тиз арада бинага керә, ләкин караңгы төтен тулган лабиринтта нидер күрү, табу мөмкин булмый.
25 яшьлек Мәдинәнең тәне тулысынча янып беткән (100% тән пешкән) һәм 5 сәгатьтән соң ул хастаханәдә җан бирә. Стационарга килеп җитү белән үк Асиятнең йөрәге газ белән агуланудан туктый.
22 июльдә Асиятне җирлиләр. Квест-парк ябык. Саксызлык аркасында ике кешенең үлеменә китергән иминлек таләпләренә җавап бирми торган хезмәт күрсәтү маддәсе буенча җинаять эше кузгатылган.
Фото: «Дом ужасов» соцчелтәрләреннән
![](/images/uploads/ckeditor/png/669f624f5c618_image.png)
Комментарийлар