«Бөтен зал елады». Уралда ярышлар вакытында 14 яшьлек боксчы үлгән

Бу хакта ural.aif.ru басмасы хәбәр итә. 

Первоуральскида 16-17 декабрьдә шәһәрдә узган бокс буенча ярышларда яшүсмернең һәлак булу сәбәпләрен прокуратура тикшерә. Финал раундында 14 яшьлек спортчыга көндәше берничә тапкыр суга, ә ул аңын югалта. Яшүсмерне коткарып кала алмыйлар. 

17 декабрь көнне көндез Свердловскның Первоуральск шәһәрендә дистәләгән кеше шәһәр округының бокс буенча ачык беренчелек финалы вакытында булган фаҗигале вакыйганың шаһиты булган.

Төбәк прокуратурасы мәгълүматлары буенча, тикшерүчеләр яшүсмернең үлеме белән бәйле тикшерү алып бара, ярышлар Первоуральскның балалар һәм яшьләр үсеше үзәгендә узган.

Һәлак булган үсмер ике көн дәвамында ярышларда катнаша, барлык раундларда җиңеп чыга. 

"Финал раундында көндәше берничә тапкыр сукканнан соң, ул аңын югалта. Оештыручылар тарафыннан ашыгыч медицина ярдәме бригадасы чакырыла, алар баланы шунда ук хастаханәгә озаталар. Әмма яшүсмер хастаханәгә килеп җиткәнче, ашыгыч медицина ярдәме машинасында җан бирә",-дип хәбәр итә Свердловск өлкәсе прокуратурасының матбугат хезмәте.

Шаһитлар әйтүенчә, барысы да яшен тизлегендә килеп чыга, "Ашыгыч ярдәм" дә тиз килеп җиткән.

"Без бөтен зал елады. Малай чыннан да бик яхшы, тәмәке тартмый, энергетик эчми. Юмор хисле иде. Аның бокста таланты булмаса да, теләге һәм үзсүзлелеге көчле иде. Без барыбыз да аны мәңге истә тотачакбыз. Бик яхшы егет иде, без аны барыбыз да яраттык», – дип язган «Инцидент Первоуральск» төркемендә Эдик Абрамов.
"Бокс куркыныч, башыңа китереп суксалар һәм баш мие селкенүеннән, гематомадан һәм башкалардан китеп барырга мөмкин, шикле спорт, әлбәттә", – дип язган Руслан исемле егет.

Прокуратура белгечләренә күзәтчелек чаралары барышында балигъ булмаганнарның тормышын һәм сәламәтлеген саклау турындагы законнарның үтәлешенә хокукый бәя бирергә туры киләчәк. Моннан тыш, ярышлар барышында медицина ярдәме күрсәтүнең вакытында булуы бәяләнәчәк, әлеге спорт төре белән шөгыльләнү өчен балигъ булмаган балага медицина рөхсәте булганмы-юкмы икәне тикшереләчәк, дип билгеләп үттеләр ведомствода.

Төбәк буенча полициянең баш идарәсе матбугат хезмәте җитәкчесе Валерий Горелых мәгълүматлары буенча, малай тулы имин гаиләдә тәрбияләнгән, уңай характерлана.

"Әтисе җирле заводта эшли, әнисе үзмәшгуль. Тимофей ПДНда исәптә тормаган. Гаиләдә тагын ике бала бар. Беренчел мәгълүматлар буенча, малайның бавыр ягына каты сукканнар һәм берничә минуттан соң үсмер рингта аңын җуйган», – дип аңлаткан Горелых.

Баланың үлеме факты буенча Тикшерү комитетында процессуаль тикшерү оештырылган.

Фото: http://@ freepik / ru.freepik.com