#Кыскача яңалыклар 28 февраль 2017, 12:14

Бөтендөнья татар хатын-кызлары форумы быел апрель уртасында үтәчәк

28 февраль 2017, 12:14

Апрель уртасында, төгәлрәге 13-15 апрель көннәрендә, Казанда Бөтендөнья татар хатын-кызлары форумы узачак. Быел форум V тапкыр үткәрелә. Бу хакта "Татар-информ" хәбәр итте.

Скопировать ссылку

Узган ел чара 24-26 апрель көннәрендә үткәрелде. Анда 500ләп делегат катнашты. Аерым алганда, Татарстанның 43 муниципаль берәмлегеннән 120ләп, Россиянең 53 төбәгеннән 270ләп, 22 чит илдән 110лап хатын-кыз республика башкаласында булып китте.

Алдагы елларда форум май аенда уздырыла торган булса, 2016 елда, татар халкының бөек шагыйре Габдулла Тукайның тууына 130 ел туу уңаеннан оештырылачак чараларга туры китереп, форум иртәрәк үткәрелде.

«Шәһри Казан»га Telegramда язылыгыз

Кызыклы яңалыкларны күзәтеп бару өчен безнең МАХ каналына кушылыгыз.