Бу атнада Татарстанда +35 градуска кадәр эссе булачак

Бүген Казанда синоптиклар алмашынучан болытлы һава торышы вәгъдә итә, явым-төшем көтелми. Көндез урыны белән җилнең тизлеге секундына 12 метрга кадәр көчәячәк һәм һава +28..+30 градуска кадәр җылыначак.

5 һәм 6 июль төнендә Татарстанда термометр баганалары +12..+18 градуска кадәр төшәчәк. Көндез һава +27..+33 градуска кадәр җылыначак. Явым-төшем фаразланмый. Көндезге +30+35 градуслы температура республикада атна ахырына кадәр сакланачак, дип яза kzn.ru.