Чаллы - беренче, Зилант - алтынчы, Лаеш - сигезенче...

Чаллы, Әлмәт, Балтач – рейтинг беренче өч баскычында әнә шул командалар урнашты. Шунысын да искәртергә кирәк, быел гомумкомандалар беренчелегендә еллык җиңүчеләр ахыргы бәйгеләрдә генә тәгаен ачыкланды. Хәтта бер ярыш командаларның урыннарын алмаштырырга сәләтле икән. Әйтик, яшьләр арасындагы командалар беренчелегеннән соң Әлмәт өченче урыннан икенчегә күчте, ә Балтач – киресенчә. Ә Кукмара дүртенче урыннан җиденчегә үк төшеп калды. Рейтингта алдынгы урыннарны яулаган командалар федерациядән акчалата бүләк белән бүләкләнәчәк.