«Черек күл»дә узачак «Корабльләр вальсы»на рәхим итегез!

 «Черек күл» паркында 24 нче сентябрьдә ел саен үтә торган «Корабльләр вальсы» чарасы узачак. Казан кунаклары һәм халкы пианистлар башкаруында классик музыкага көймәләр белән идарә итә алачак.

Чараның хедлайнеры булып Kremlin LIVE халыкара фестивале продюсеры, халыкара джаз конкурслары һәм фестивальләре лауреаты, пианист, аранжировщик һәм композитор Валерий Коротков торачак. Шулай ук «Корабльләр вальсы»нда Казан музыка мәктәпләре студентлары катнашачак.

Моннан тыш, чара кунаклары диңгез төеннәрен бәйләү буенча мастер-классларда катнаша алачак.