"Чиста булачак" («Будет чисто») хәрәкәте активистлары үзләренең максатлары турында сөйләделәр

“Чиста булачак” Татарстан экохәрәкәте ел ахырына кадәр санитар һәм табигатькә кагылышлы акцияләр санын 1001 гә җиткерүне максат итеп куйды.

Яшь оешма инде 5 ел эшли. Хәзерге вакытта оешманың җилкәсендә 706 чара исәпләнә. Хәрәкәтнең 8,2 мең тирәсе теркәлгән активисты бар, әмма чынлыкта акцияләрдә күбрәк кеше катнаша. “Чиста булачак” хәрәкәте даирәсенә экологик гына түгел, социаль көн тәртибе дә керә: алар өлкәннәргә һәм ветераннарга ярдәм итәләр.