#Кыскача яңалыклар 27 ноября 2024, 14:29 Уку өчен 2 минут

Чирләгәнче, пневмококка каршы да прививка ясатыгыз

27 ноября 2024, 14:29

Уку өчен 2 минут

Соңгы атнада Татарстанда хастаханәдән тыш үпкә ялкынсынуының 1 481 очрагы теркәлгән.

Скопировать ссылку

Соңгы атнада Татарстанда хастаханәдән тыш үпкә ялкынсынуының 1 481 очрагы теркәлгән.

Әлеге саннар алдагы атна белән чагыштырганда 6 процентка кимрәк. Авыруның төп сәбәпчесе булып микоплазма кала, ул 30 процент очракта ачыклана. Бу хакта Роспотребнадзорның республика буенча идарәсе җитәкчесе урынбасары Любовь Авдонина хәбәр итте.

Пневмонияне профилактикалау грипп һәм ОРВИга каршы чараларга охшаш: битлек кияргә, кулларны даими рәвештә юарга һәм социаль дистанцияне сакларга киңәш ителә, дип киңәш бирде Роспотребнадзор җитәкчесе урынбасары.

Шулай ук Любовь Авдонина милли прививкалар календаренә кертелгән пневмококкка каршы вакцинация профилактиканың мөһим элементы булып тора, дип ассызыклады. Ул 60 яшьтән кешеләргә һәм балаларга киңәш ителә. Вакцинация түләүсез, кирәкле препаратлар бар.

Кызыклы яңалыкларны күзәтеп бару өчен Вконтактега кушылыгыз.