Депутатлар минималь хезмәт хакын арттырырга тәкъдим итә

ЛДПР депутатлары Дәүләт Думасына яңа закон проекты әзерләгән. Анда минималь хезмәт хакын ике тапкырга арттыру турында сүз бара, дип яза “РИА Новости”. Документ белән Дәүләт Җыенының мәгълүматлар базасында танышырга мөмкин. 
“Минималь хезмәт хакын 2023 елның 1 гыйнварыннан 30 мең күләмендә билгеләргә”, - диелә әлеге документта. 
Депутатлар исәпләвенчә, проектны тормышка ашыру өчен бюджеттан 1,16 триллион сум күләмендә акча кирәк булачак. Әмма бу түләүләр илдә хәерчелек күләмен киметергә ярдәм итәчәк, дип ышана алар. 
Хәзергә Россиядә минималь хезмәт хакы 15 279 сум күләмендә билгеләнгән.