Дәүләт Советы депутаты, “Агро-Сервис” ширкәте җитәкчесе Габделхәй Кәримов вафат

– Габделхәй Йосыф улы районыбыз авыл хуҗалыгын күтәрүгә зур өлеш керткән шәхес. Колхозлар таралып, авыл кешеләре билгесезлек алдында калган чорда ул “Кырлай” һәм “Игенче” хуҗалыкларын алып, аларны республика күләмендә алдынгы урыннарга чыгарды. Яңа, куәтле техникалар кайтты, яңа технологияләр кертелде.

Габделхәй Кәримов әле күптән түгел генә республика Дәүләт Советы депутаты итеп сайланган иде. Күптән түгел генә Арчада гражданнарны кабул иткән иде.

Бик кызганыч... Зур планнар, аларны тормышка ашыру уйлары белән яшәгән кеше шулай вакытсыз арабыздан китте, дип яза arskmedia.ru.

 Мәрхүмне иртәгә туган авылы Шушмабашта соңгы юлга озатачаклар.