#Кыскача яңалыклар 23 декабрь 2022, 10:52

Донецкта яраланган Рогозинны Мәскәүгә күчерәчәкләр

23 декабрь 2022, 10:52

Донецкка һөҗүм вакытында кунакханәдә яраланган «Роскосмос» ның элекке башлыгын, «Царские волки» хәрби киңәшчеләр төркеме җитәкчесе Дмитрий Рогозинны Мәскәүгә күчерәчәкләр. Аның ярдәмчесе әйтүенчә, Донецк һәм Ростов-на-Дону табиблары операция ясарга икеләнгән.

Скопировать ссылку

«Әлегә Дмитрий Олеговичка операция ясалмаган. Донецк һәм Ростов-на-Дону табиблары, аның хәлен исәпкә алып, операция ясарга батырчылык итмәгән. Мәскәүгә озатылганнан соң кирәкле медицина ярдәме турында табиблар консилиумы карар кабул итәчәк», — дип яза РИА «Новости».

Рогозин туган көнендә, 21 декабрь кичендә яраланган. Аның сүзләренчә, соңгы айларда ул әлеге кунакханәдә яшәгән һәм аның биредә булуын «тар даирә» генә белгән. Бу һөҗүмнең диверсантлар эше булуын да кире какмый Рогозин. Аның белән бергә ДНР премьер-министры Виталий Хоценко да зыян күргән, ул җиңелчә яраланган, әмма хастаханәгә ятудан баш тарткан. Ике кеше шул исәптән Рогозинның ярдәмчесе әлеге һөҗүм вакытында һәлак булган.

Кызыклы яңалыкларны күзәтеп бару өчен Т елеграмга кушылыгыз.