#Кыскача яңалыклар 07 гыйнвар 2016, 06:55

“Ел студенты” финалистлары ачыкланды

07 гыйнвар 2016, 06:55

"Ел студенты - 2015" республика премиясенең финалына үтүчеләрнең исемнәре игълан ителде. Конкурста көрәш 19 номинация буенча бара.

Скопировать ссылку

Премияне оештыру комитеты Татарстанның 19 шәһәреннән (Чаллы, Бөгелмә, Түбән Кама, Чистай, Алабуга, Әлмәт, Казан һ.б.) 473 гариза кабул иткән. Беренче этапта жюри әгъзалары, барлык катнашучыларның уңыш-казанышлары тупланган портфолиоларын карап чыгып, икенче этапка иң-иңнәре генә чакыру алган.

Иң популяр номинацияләр арасында - "Ел интеллекты" (69 гариза), "Елның иҗади шәхесе" (51 гариза), "Ел спортчысы" (47 гариза). Быел кабат торгызылган "Ел волонтеры" номинациясенә 31 эш юлланган.

Озакламый төп номинация - "Ел студенты - Гран-при"ның ачык туры узачак. Җиңүчеләр 25 гыйнварда Казанның "Пирамида" сәхнәсендә билгеле булачак.

Кызыклы яңалыкларны күзәтеп бару өчен безнең МАХ каналына кушылыгыз.