Элвин Грей Зеленскийның яңа санкцияләре исемлегендә

Яңа чикләүләр Татарстанның 41 компаниясенә һәм республикада яшәүче 11 физик затка кагыла. Шундый эчтәлекле карар пәнҗешәмбе көнне Зеленскийның сайтында урнаштырылды, дип яза «Татар-информ».

Санкцияләргә эләккән компанияләр арасында Казан вертолет заводы, «КАМАЗ», «Ак Барс» судно төзү корпорациясе, Казан һәм «Бигеш», «Татнефть», «Радиоприбор» акционерлык җәмгыяте, Татарстан агач эшкәртү комбинаты, Түбән Кама йөк машиналары шиналары заводы һәм башкалар бар.

Кайбер компанияләр өчен чикләүләр биш елга, кайсыларынадыр ун елга билгеләнгән.

Шәхси чикләүләр «КАМАЗ» гавәми акционерлык җәмгыяте директоры Сергей Когогинга, «Электротранспорт» җаваплылыгы чикләнгән җәмгыяте директоры урынбасары Вячеслав Мигуновка, «Тулпар Техник» җаваплылыгы чикләнгән җәмгыятьнең юридик бүлеге җитәкчесе Эльмира Микаковага, Дәүләт Думасында Татарстаннан экс-депутат Борис Менделевичка һәм башкаларга каршы кертелде.

Гомумән алганда, Зеленскийның яңа санкцияләре исемлегенә 2 507 физик зат һәм Россиянең 1 374 компаниясе эләккән. Сәясәтчеләр һәм предприятие җитәкчеләреннән тыш, анда поп-йолдызлар һәм телевидение алып баручылары, шул исәптән Украина җырчылары Таисия Повалий, Ани Лорак, Анна Седокова һәм телевидениедә тапшырулар алып баручы Регина Тодоренко, шулай ук Татарстанның һәм Башкортстанның атказанган артисты Элвин Грей бар.

Искәртеп узабыз, узган атнада Украинаның иминлек хезмәте (СБУ) Татарстаннан 14 депутат һәм түрәне эзләүгә бирде.

Чыганак - "Татар-информ"