#Кыскача яңалыклар 24 март 2021, 11:53

Элвин Грейны ни өчен бозыклыкта гаеплиләр?

24 март 2021, 11:53

21 март көнне Нефтекамск шәһәрендә Башкортстан башлыгының мәдәниятне һәм яшьләр сәясәтен үстерү буенча киңәшчесе Элвин Грейның концерты булган.

Скопировать ссылку

Элвин Грейны ни өчен бозыклыкта гаеплиләр?

Җырчы чыгыш ясаганда арткы фонда “Уйлама да” дигән җырның клибын да күрсәткәннәр һәм андагы суицид һәм бозыклык күренешләре тамашачыларда бәхәс куптарган.

Бу хәл матбугат чараларында да чагылыш тапканнан соң, оештыручылар клипны икенче концертта инде күрсәтмәгәннәр.

- Янымда утырган әбиемнән оялдым. Сүзем юк, - дип язган тамашачыларның берсе социаль челтәрдә бу клип хакында.

Афишадан күренгәнчә, концертка 6 яшьтән зуррак балаларга керү рөхсәт ителгән, әмма залда 3 яшьлек сабыйлар да бар иде, дип яза “Туймазинский вестник”.

Кызыклы яңалыкларны күзәтеп бару өчен безнең МАХ каналына кушылыгыз.