Җенес әгьзасын балаларга күрсәтеп йөргән

Эксгибиционист мәгариф учреждениесе янында йөргән.

Балаларга җенси әгьзасын күрсәтеп йөргән Чаллы кешесен сигез елга каты режимлы колониягә хөкем иткәннәр. Татарстан Югары суды аны «сексуаль характердагы көч куллану» җинаять маддәсе буенча гаепле дип тапкан һәм 10 ел дәвамында педагогик һәм тренерлык эшчәнлеге белән шөгыльләнүне тыйган.

Җинаять эше материалларына караганда, Чаллының бер белем бирү учреждениесе янында җинаятьтә гаепләнгән кеше балалар алдында чалбарын төшергән. Соңрак аны тоткарлаганнар. Әлеге җинаять эше буенча берничә зыян күрүче булган.