Фирдүс Тямаев: «Хәрбиләргә ярдәм итү - пиар өчен түгел, ә патриотизм эше»

Тямаев Татарстан хәрбиләре белән даими элемтәдә тора, тәүлекнең теләсә кайсы вакытында аларның шалтыратуларына җавап бирергә әзер.

"Алар төнге ике-өчтә дә шалтыратырга мөмкин", – дип билгеләп үтте җырчы "Болгар" радиосы студиясендә чыгыш ясап.

Гуманитар ярдәм кирәкле әйберләр һәм хәтта машиналар җибәрүне дә үз эченә ала. Тямаев ассызыклаганча, барысы да саф йөрәктән башкарыла. "Моның белән мактанып, шапырынып йөрмим", дип ассызыклады Фирдүс. 

Артист шулай ук гади халыкның аңа күрсәткән ышанычы турында да әйтеп китте.

"Машинага ягулык салырга кергәндә дә, кешеләр безгә ышанып акча бирәләр. Без акча сорамадык, алар акчаның хәрбиләр кулына җитәчәген аңлыйлар", – дип уртаклашты Тямаев.

Ул күптән түгел генә армиядән кайткан кече энесе Робертны да искә алды, егет әле дә туган ягында патриотик эшне дәвам итә, аерым алганда, милли көрәш буенча ярышлар оештыра.

Исегезгә төшерәбез, 2024 елның 31 июленә кадәр генә хәрби хезмәт контрактына кул куеп, бер тапкыр бирелә торган 1 000 000 сумга кадәр түләүне алу мөмкинлеге бар. Рәсмиләштерү бераз вакытны алачак, медицина комиссиясе уртача 1,5 сәгать, барысын да бер урында узарга мөмкин.

Сугыш тәҗрибәсе һәм хәрби һөнәрләрнең булуы мөһим түгел. Сине өйрәтәчәкләр, ярдәм итәчәкләр. Экипировка, хәрби көйләү, хәрби һөнәр сайлау, юл болар барысы да булачак һәм алар түләнә. Безнең бер максатыбыз бер-Җиңү!

8 (800) 222-59-00, 8(85557)7-86-40 номерларына шалтыратырга мөмкин  яки сылтама буенча  heroes-tatarstan.ru сайтына күчеп, анкета тутыра аласыз.