Әгерҗедә 400гә якын иң талантлы йолдызчыклар җыелды

"Созвездие"-"Йолдызлык" республика телевизион яшьләр эстрада сәнгате фестиваленең зона турына Әгерҗегә Актаныш, Мөслим, Минзәлә районнарыннан 400гә якын иң талантлы йолдызчыклар җыелды. Аларга Әгерҗенең 300ләп йолдызчыгы да кушылды. Өч көн район Мәдәният сарае балаларның шат авазларыннан, берсеннән-берсе матур чыгышларыннан гөрләп торды.

Гала-концертка утызлап чыгышны сайлап алды жюри. Шунысы үзенчәлекле: гала-концертка сайлап алынган чыгышларның яртысы Әгерҗе балаларыныкы: Жанна Изирушева, Настя Эскандерова, Аделя Гобәйдуллина, Камилла Уразаева, Дамир Исламов, Лениза Җиһангәрәева, Марсилә Муллахмәтова җитәкләгән "Звонкие голоса" төркеме, "Кнопочки", "Росинки", "Драже", "Хыял" бию төркемнәре.