Гөмбә ашап 38 кеше агуланган

Гөмбә сезоны дәвам итә. Халыкның күбесе көзге урман нигъмәтләре белән сыйланып калырга ашыга. Ләкин, Татарстанның Роспотребназор идарәсе гөмбә белән сак булырга куша. Быел гына да республикада 38 кеше агуланган. Зыян күрүчеләр арасында бер яшьтән 12 яшькәчә сигез бала да бар. Белмәгән гөмбәләрне, чери башлаганнарын, кортлаганнарын, машина юлы, тимер юлы буенда үскәннәрен җыярга киңәш ителми. Гөмбәне полиэтилен пакетка җыю да дөрес түгел. Иң яхшысы - кәрҗин. Җыелган гөмбәне эшкәртмичә өч сәгатьтән артык сакларга ярамый.