#Кыскача яңалыклар 20 август 2016, 14:28

Халыкара олимпиадада бронза медаль алган татарстанлы Ә. Сәхәбиев: “Киләсе елга алтын яулыйым!” – ди

20 август 2016, 14:28

Россиядә беренче тапкыр уздырылган XXVIII Халыкара олимпиадада (IOI - 2016) безнең команда уңышлы гына чыгыш ясады. Көндәшлек бик көчле булса да, россиялеләр барысы да медальле булды.

Скопировать ссылку

Халыкара олимпиадада бронза медаль алган татарстанлы Ә. Сәхәбиев: “Киләсе елга алтын яулыйым!” – ди

Сигез укучының өчесе алтын медальгә лаек дип табылды. Гомумкоманда исәбендә Кытай укучыларына гына бирешеп, икенче урын алуга ирештеләр.

Россия командасында Татарстан укучысы да бар иде. Әсхәт Сәхәбиев КФУның Лобачевский исемендәге лицеенда белем ала. Егет быел унынчы сыйныфка гына бара. Ул 87 урын алып, бронза медаленә лаек булды.

-Олимпиадада яуланган урыным белән бик үк канәгать түгелмен. Яхшырак чыгыш ясый алыр идем. Россиядә бердән-бер лаеклы урын - ул алтын медаль. Чөнки безнең команда иң көчлеләрдән санала һәм һәрчак алтыннар гына яулый. Күбрәккә ирешәсе килә иде. Информатика белән мин бишенче сыйныфтан ук шөгыльләнә башладым. Әлеге олимпиадага әзерлек ике еллап барды. Шундый дәрәҗәле ярышларда катнашу бераз куркытты. Биремнәр дә шактый катлаулы иде. Киләсе елга алтын яулыйсым килә, - диде Әсхәт.

Кызыклы яңалыкларны күзәтеп бару өчен безнең МАХ каналына кушылыгыз.