Ялларда нинди һава торышы көтелә?

Урыны белән кыска вакытлы яңгырлар, яшеннәр, көчле җил, аерым районнарда боз булыр дип фаразлана. Төнлә һаваның минималь температурасы +16 - +22°; көндез +26 - +31°.

20 июньдә, циклон чигенү һәм атмосфера басымы арту белән, көнчыгыш районнарда төнлә кыска вакытлы яңгыр көтелә. Көндез явым-төшем фаразланмый. Температура фоны бераз түбәнәя һәм төнлә +13 - +18°, көндез +24 - +29° градус тәшкил итәчәк. 

21 һәм 22 июньдә республикада кабат тотрыксыз һава торышы көтелә. Урыны белән яшенле яңгырлар явачак. Температура фоны сизелерлек кими –көндез +20- +25° тан югарырак күтәрелмәячәк.